Новото лого на iTunes 10
Најверојатно ако имате iPod веќе знаете и сте направиле апдејт на новиот iTunes. Десетата верзија донесе некои новини, меѓу кои најзначајно oд дизајнерска гледна точка прво што може да забележи е дека најновата верзија доаѓа и со сосем ново лого и икона. Старото беше исто со мали измени скоро една декада. Помеѓу дизајнерите на блоговите веќе се разви дискусија од критики.
Малку историја, во 1998 Џеф Робин и Бил Кинсаид ја објавуваат првата верзија на SoundJam. После две години софтверот е продаден на Епл, кој продолжи да го развива. Така настанува денешниот iTunes.
Можеби изоставувањето на компакт дискот е логично, бидејќи полека но сигурно се отфрла како медиум и од iTunes. Само да ве потсетам оние што користат Виндовс и Офис Ворд, дека сеуште за Save има флопи дискета :)
Она за што сите имаат најмногу замерки и сосем со право е градиентот на самиот круг од логото. Изгледа како евтина веб 2.0 икона од пред десетина години. Како дизајнерите од Епл да се воделе со девизата „колку повеќе, толку подобро“. Натрупано со непотребни ефекти, сенки, градиенти, сјај, 3Д... Контрастот помеѓу сините нијанси е многу висок и ако ја гледате иконата зголемена неколку пати, дури и почнува да пречи.
Ако се погледне самата нота, го има оној стил како од цртан филм, нејасни и заоблени агли, посебно видливи на врвот. Ако се ова не ви доволно, погледнете го фонтот. Некој од дизајнерите најверојатно открил дека и во Ворд има графички ефекти или?
Веќе низ дизајнерските онлајн кругови можат да се видат многу подостојни замени на новото лого.
Познатиот блог Wired организираше и натпревар за ново лого на iTunes. Погледнете ги некои од предлозите.
На Твитер веќе се појави профил кој застана во одбрана на новото лого. Сеуште не е потврдено дали е дизајнерот и дали има поврзаност со Епл.
Додека на Фејсбук веќе има група противници на новото лого.
Слободно во коментарите поделете ваше мислење за новото лого и дали можеби веќе ја сменивте дифолтната икона.
НАДОПОЛНЕТО:
Wired.com отвори јавен конкурс на кој биле пријавени преку 100 редизајни на постојното ново лого. Погледенете ги најдобрите, а победник е Ијан Хаусер. Одличен редизајн, многу подобар од оригиналот, модерна, футуристичка, баш како Apple. Неговата икона ја имате и бесплатно за преземање. Покрај стандардната икона во .ico формат за декстоп, ја има уште во шест големини, дури до 512 х 512 пиксели во png формат.
За да ја промените иконата на Виндовс, отидете во C: потоа Program Files, најдете го фолдерот iTunes. Внатре на иконата со име iTunes.exe десен клик и Create Shortcut. Новокреираната икона повлечете ја на десктопот. Тука со десен клик врз неа изберете Properties (последната опција) и во табот Shortcut најдолу има копче Change Icon. Кликнете и со Browse отидете во фолдерот каде сте го отпакувало zip фајлот и ја селектирана иконката.
Доколку имате Мac ОS, ја вадите иконата од Dock. Десен клик на iTunes Software и бирате Get package contents, од подменито. Потоа Open (contents>Resources) фолдерот и копирајте ја иконата (iTunes.ico) во фолдерот. Направете си бекап на старата. И повлечете ја на Dock.
вонко
said:
 |
... имаше некаде на нет, коментарот на Џобс за оние шо велеле дека иконата е аут оф дејт. Џобс вика: ви дисагри.  |
-
said:
|
... Vo vrska so "... Виндовс и Офис Ворд, дека сеуште за Save има флопи дискета...": Prasanje na forum [http://stackoverflow.com/questions/1019573/save-icon-still-a-floppy-disk]: Save icon: Still a floppy disk? By far the most popular icon for Save is the floppy disk. However, the chances the user will write to the floppy are pretty slim. .. anybody have any ideas on how to update this old icon? Eden od odgovorite: Use a picture of Jesus. Because everybody knows that Jesus saves...  |
danijanev
said:
|
... ЛОЛ на првиот коментар...јако ! @вонко да го читнав тоа некаде, тоа е најкраткиот мејл на Џобс, он е познат по тоа дека одговара со елаборација, ама овој пат и он немал со што да го брани |
Лого на месецот
