Како да останете open-minded дизајнер

МАКЕДОНСКИ ДИЗАЈН БЛОГ ЗА ФРИЛЕНСЕРИ

Дек122011

Како да останете open-minded дизајнер

Како креативци и дизајнери многу е важно да останете open-minded, посебно во овој свет на технолошки напредок, каде секојдневно мора да се учат и прифаќаат нови трендови. Да се биде open-minded значи да се биде и толерантен и самокритичен. 5 совети како да останете open-minded.

1. Секоја идеја гледајте ја од различни агли

Многу често уште во старт на проект првичната идеја колку и да изгледа добра и правилна, оставете време да „легне“ и погледнете ја од неколку различни перспективи. Може е креативна, но на крај може ќе излезе нешто сосем ново, подобро и поинакво. За крај, правете внатрешни анкети меѓу колеги и истражување, може тоа или слично некој го има направено, за да не биде дека сте ја украле идејата.

2. Научете да слушате и прифаќајте критика

Како дизајнер мора да имате вештини да го ислушате клиентот до крај, и секогаш за се што ви е нејасно прашајте. Она што клиентот понекогаш го сака и го објаснува е различно, имајте на ум дека не сите ги знаат техничките поими и термини. После тој процес бидете спремни за критика, предлози, и дополнителни барања од клиентот. Не пристапувајте со мислење дека вие знаете најдобро, и дека не правите корекции. Понекогаш токму клиентот и неговите забелешки знаат да бидат пресудни за подобар дизајн.

3. Разменувајте идеи

Како фриленсери сигурно поголем дел од времето сте дома и работите сами. Но, тоа не значи да немате никаков контакт со надворешниот свет. Во денешно време на брзо споделување и ширење на информации, фидбекот од колеги дизајнери ви е само на неколку клика. Твитер, фејсбук, Гугл +, Линкдин, Behance, Deviantart, Dribbble...се само дел од мрежите кои ви стојат на располагање. Почитувајте мислење или коментар на другите дизајнери, понекогаш токму таа нивна нова насока може да доведе до уште подобар дизајн.

7-brainstorm-group

4. Надвор од комфорт зоната

Сите ние со тек на време и повеќе годишно искуство, градиме сопствена зона каде што ни е најпријатно за работа, сите „сетинзи“ ни се перфектно подесени и сите коцки на убаво наместени. Главна негативност е што таа зона ве лимитира и ограничува и за да откриете некои нови ваши можности и да пробате работите да ги правите на друг начин, а не онака како што сте навикнати. Излезете од вашата комфорт зона и пробајте нешто ново.

11-comfort-zone

5. Бидете клиент

За да сте ставите во позиција на клиент, мора барем еднаш да сте ставите во нивна позиција и да бидете и вие клиент. Само така најдобро ќе го видите она што како дизајнери не го гледате. На овој начин ќе видите дека понекогаш и тие се во право со нивните барања и нареден пат ќе имате поголемо разбирање.